КОНКУРС ЗА ЛИКОВНА ТВОРБА НА ТЕМА
„Дизајн на насловна страница за модно списание“
Почитувани ученици, СОУ „Димитар Мирасчиев“ Штип, распишува ликовен конкурс за ученици во основно образование од деветто одделение. Вашата идеја треба да ја изразите преку ликовна творба со тоа што ќе дадете сопствен придонес кон општествената култура и уметност. Целта е на што по креативен начин да ги прикажете вашите размислувања на темата:„Дизајн на насловна страница за модно списание“.
Правила за учество:
- Еден ученик – автор може да учествува на конкурсот со една ликовна творба
- Композицијата на изработка на ликовната творба е индивидуална
- Големината на творбите треба да биде во димензија А4 формат
- Секој ученик да ги напише личните податоци на задната страна од творбата (име и презиме, одделение, училиште, град)
Творбите треба да се достават во плик со испраќање преку пошта во СОУ „Димитар Мирасчиев“ Штип, на адреса ул. Вита Поп Јорданова бр.2, заклучно со 20.05.2021 година или во училиштето СОУ „Димитар Мирасчиев“- Штип.
СОУ „Димитар Мирасчиев“ обезбедува награди за прво, второ и трето место и диплома за освоено место.
Наградите на учениците – авторите ќе бидат доделени на изложбата, на училишниот настан – „Отворен ден на училиштето“, кој ќе се одржи на ден 26.05.2021 година.
